“Është hija e gjatë e Donald Trumpit që ka sjellë këtu të gjitha mediat e botës dhe të gjithë të majtën. U thashë miqve të mi demokratë në Amerikë. Nëse nuk mund ta mundni Trumpin në Amerikë, mos ejani në Shqipëri për t’u hakmarrë”, tha Rama.
Në përmasat botërore që ka marrë projekti i dhendrit të Trump, Rama është treguar gjithashtu i qartë pas kësaj, se kush janë armiqtë dhe miqtë e shqipërisë.
“Po, Rusia është një kërcënim real. Por Kina nuk ka një agjendë perandorake – ajo është thjesht një realitet me të cilin të gjithë duhet të përballen. Nga Turqia nuk vjen asnjë rrezik për Ballkanin Perëndimor. Unë shoh vetëm një ndërhyrje vëllazërore për stabilitet dhe paqe”, u shpreh ai.
Por edhe brenda BE, Rama i ka të qartë ndarjen e miqve nga partnerët.
“Italia nuk është vetëm një partner veçanërisht i afërt, ajo është alter egoja jonë europiane.Por të tjerëve u themi jo, sepse vetëm qendrat në vendet e treta nuk janë zgjidhja”, theksoi kryeministri Rama.
